Արցախը և ազատագրված տարածքները մեզ համար զարգացման հնարավորություն են, ոչ թե բեռ

ՀՅԴ Բյուրոյի քաղաքական ներկայացուցիչ Արմեն Ռուստամյանը, Tert.am-ի հետ զրույցում անդրադառնալով ԼՂ հակամարտության վերաբերյալ ՀՅԴ-ի դիրքորոշմանը, նշեց, որ իրենք երկրի զարգացումը չեն փորձում կապել Արցախի հետ:

«Հայտնի թեզ կա, որ քանի դեռ Արցախի հարցը չի լուծվել, Սերգո՛ ջան, լավ չես ապրի, բնականաբար մենք դրան բացարձակ հակառակ դիրքերից ենք նայում: Արցախը և ազատագրված տարածքները մեզ համար զարգացման հնարավորություն են, ոչ թե բեռ են, որից պետք է ազատվել: Դրա համար մեր կարգախոսն է, որ Հայաստանը պետք է զարգանա առանց ազգային շահերը զիջելու»,-ասաց նա:

Ուսումնական հաստատություններում բացառել նախընտրական քարոզչությունը. ԿԳ նախարարի շրջաբերականը

Հաշվի առնելով զանգվածային լրատվության միջոցներում տեղ գտած հրապարակումներն ու ՀՀ ԿԳ նախարարություն ուղղված բանավոր հարցումները, նախարար Լևոն Մկրտչյանը շրջաբերական նամակով դիմել է ՀՀ մարզպետներին և Երևանի քաղաքապետին՝ առաջարկելով խիստ վերահսկողություն սահմանել, որպեսզի ուսումնական հաստատությունների ներկայացուցիչները քարոզչական աշխատանքներում ներգրավվեն բացառապես օրենքի շրջանակում:

Ադրբեջանը պարտվեց արցախյան հանրաքվեում

Արցախի Հանրապետության ԿԸՀ-ն հրապարակեց սահմանադրական հանրաքվեի պաշտոնական նախնական արդյունքները, ըստ որոնց` նոր Սահմանադրությունն ընդունվել է 87,6 տոկոսով: Քվեարկությանը մասնակցել է ընտրելու իրավունք ունեցողների գրեթե 74 տոկոսը: Արտերկրյա դիտորդներն ու դիտորդական խմբերը քվեարկության և ձայների հաշվարկի գործընթացը բավականին բարձր են գնահատել և արձանագրել, որ հանրաքվեն անցել է հիմնականում առանց ընտրախախտումների: Թե’ ներքին և թե’ արտաքին ընկալման առումով` սա ամենակարևոր արձանագրումներից մեկն է:

Դաշնակցության տեսակետը նույնն է. Դավիթ Իշխանյանը` Արցախի սահմանադրական փոփոխությունների հանրաքվեի մասին

Արցախում ընթանում է սահմանադրական փոփոխությունների հանրաքվեն. Արցախի բնակչությունը որոշելու է կառավարման կիսանախագահական համակարգից անցնել լրիվ նախագահական համակարգի:

Արցախի ՀՅԴ խմբակցության ղեկավար Դավիթ Իշխանյանը Yerkir.am-ի հետ զրույցում մեկ անգամ ևս հաստատեց ՀՅԴ կարծիքը, որ իրենք դեմ են այդ սահմանադրական փոփոխություններին և կողմնակից են, որ անցում կատարվի կառավարման խորհրդարանական համակարգին:

Ես մրցակիցներին հարգանքով եմ վերաբերվում. Աղվան Վարդանյան. Aravot.am

Aravot.am-ը գրում է.

«Փետրվարի 15-ին, ՀՅԴ նախընտրական ցուցակները ներկայացնելու ասուլիսում, հարցերից մեկին պատասխանելիս ես անդրադարձել եմ քաղաքական այլ ուժերի հետ մեր հարաբերություններին և ասել հետևյալը. «Բոլորի հետ էլ համագործակցում ենք, բոլորի հետ էլ շփվում ենք: Ճիշտ է, երբեմն զայրանում ենք, երբ խիստ պոպուլիստական հայտարարություններ են անում նախընտրական փուլում»:

Հասցե` Հանրապետության 30 Էլ. հասցե ` qven-uje@mail.ru Հեռախոս` ( 374) 10 585481